Na dia 12 de Fevereiro foi fêtu na platô, na rua 5 de Julho, um filmagem - rodadu pa um grupo di cinema espanhol – ki ta fasi parti di um filme sobre kultura di Cabo Verde. Djuntadu alguns músiku, Dansarinos di Raiz di Polon, alguns elemento di Tabanka Tchada Grandi, e conjunto Ferro Gaita num camion (tipo Trio ilétriku), pa simboliza vários vertenti di nôs musika. Rua 5 de Julho foi fitxadu a trânsito di autumóvel, e filmagi , ki foi um verdadêru festa, kontisi ao longo di rua, ti porta di merkadu di Platô, undi guentis djunto ku rabidantis di merkadu, leba ês festa a si auje, na son di Ferro Gaita.
Kêl dia la,lembram tempo ki na dias di festa nacional e municipal, Tabanka ta subiba Praia sedu pal manhã, na sis alvorada, e tudo minis ta saiba ta korrêba trás di Tabanka, pa tudu bairro di cidadi. Na fim di tardi, sempri ta tinha um conjunto ta toka na koretu di Praça Grandi: si ka era Bulimundo, era Abel Djassi. Alguns bês, propi Tubarões, daba sês toki na na gurita di nôs Praça.
Pamodi kêl dia la foi um dia diferenti na cidadi, ki devia ser repetidu, e ki ta lebanu ta pensa ma rua 5 de Julho é um rua cheio di putencialidadi pa bira um rua só pa tranzitu di alguém, undi podia ser aproveitadu kasas ki tem na kêl rua pa desenvolvi negóciu ligadu a temas kultural, m sta bem partilha ku nhôs alguns foto di kêl dia di festa na cidadi.
Sima Kizó ta gostaba di flaba: nhôs fika drêtu.
Sem comentários:
Enviar um comentário